(391)                           SOUS LE RÈGNE DE CHARLES VI.                              151
s'il y est au temps de son decès, dix livres Parisis, et s'il y avoit lors un autre curé, cent solz Parisis, et au clerc quarante solz Parisis.
Item, il laissa aux religieux, abbé et convent de l'eglise de Bonne Fontaine en Therasche, cent livres Tournois.
Item, aux religieux, abbé et convent de l'eglise de Signy, ou diocese de Reins, cent livres Tournois.
Item, au convent des Chartreux du Mont Dieu, ou diocese de Reins, ou païs de Rethelois, cinquante livres Tournois.
Item, il laissa à chascun des convens des quatre ordres Mendians à Reins vint livres Tournois.
Item, aux povres chartriers des parroisses de Reins dix livres Pa­risis.
Item, aux Cordeliers de Reins vint livres Tournois.
Item, à la fabrique de l'eglise de Saint Cosme de Reins vint livres Tournois.
Item, il laissa à l'eglise de monseigneur Saint Remi de Reins un ymage de saint Jehan Baptiste d'argent doré, pesant vint cinq marcs ou environ,
Item, il laissa à Marote, sa niepce, femme de Raoulet de Basoches et fille de Guy l'Escot, escuier, et de damoiselle Marguerite sa femme, niepce du dit testateur et fille de la suer d'icellui testateur, soixante livres Parisis ou environ de rente ou revenue par an, assises à Paris, comprins ens le fief de Tirechappe qui vault vint livres Parisis de rente ou environ, et le seurplus en quarante livres Parisis de rente ou envi­ron que le dit testateur prenoit par an sur pluseurs maisons assises à Paris, par et soubz tele condicion que ce sera apport à la dicte Marotte selon la coustume de Reins, et sortira nature et effect de propre heri­tage et succession pour ycelle Marote et pour ses hoirs et ayans cause, nonobstant coustume, usage ou autres choses à ce contraires; et en passeront lettres soubz seel royal les diz Raoulet et sa femme, lesqueles seront baillées en garde au dit Guiot.
Item, quanta l'abbé de Saint Remi de Reins, nepveu du dit testa­teur, filz de sa dicte suer et frere de sa dicte niepce, auquel, quant il fu